या पार्श्वभूमीवर पुण्यातील हवामान विभागाने विजा पडण्याच्या कारणांबद्दल आणि आवश्यक काळजीविषयी महत्वपूर्ण माहिती दिली आहे.
विजा का कोसळतात?
आकाशातील ढगांमध्ये निर्माण होणारे विद्युत आवेश आणि जमिनीवरील आवेश यामध्ये असलेला दाबाचा फरक विजेच्या कोसळण्यास कारणीभूत ठरतो. ढगांमध्ये नकारात्मक आणि जमिनीवर सकारात्मक आवेश तयार होतो आणि दोघांमधील दाब शमताच विद्युत प्रवाह थेट जमिनीवर आकर्षित होतो.
शेतांमध्ये मोकळी जागा, उंच झाडं आणि धातूची शेती उपकरणं असतात. त्यामुळे वीज नेहमी उघड्या शेतांमध्ये किंवा उंच वस्तूंवर कोसळण्याची शक्यता अधिक असते.
वीज कडकडाट असताना काय करावे आणि काय टाळावे?
शेतात असताना:
विजेचा कडकडाट सुरू झाला की उघड्यावर थांबू नये.
उंच झाडांखाली किंवा टेकड्याजवळ थांबणे टाळावे.
शक्य असल्यास, गाडी किंवा पक्क्या घरात आश्रय घ्यावा.
शेतातच थांबावे लागल्यास दोन्ही पाय एकत्र करून गुडघ्यात मान घालून बसावे.
जमिनीवर झोपणे किंवा सैल उभे राहणे टाळावे.
घरात असताना:
मिक्सर, टीव्ही, फ्रिज, वॉशिंग मशीन यांसारखी विद्युत उपकरणे बंद ठेवावीत.
खिडक्या-दरवाजे बंद ठेवून त्यांच्याजवळ उभं राहू नये.
मोबाईल किंवा लँडलाइन फोन वापरणे टाळावे.
जुनी किंवा खराब वायरिंग असलेली ठिकाणं तपासून दुरुस्त करावी.
उघड्यावर असताना कोणती खबरदारी घ्यावी?
मोबाईल फोनचा वापर टाळावा.
लोखंडी छत्री, स्टीलची भांडी, चाकू यांसारख्या धातूच्या वस्तूंना हात लावू नये.
तलाव, नद्या किंवा धरणाजवळ जाणं टाळावं.
धातूच्या वाहनांपासून दूर रहावं उघड्या ट्रॅक्टर, सायकल, दुचाकी टाळाव्यात.
वीज पडण्याची पूर्वसूचना असू शकणारी लक्षणं
कधी कधी वीज पडण्याआधी काही विशेष लक्षणं जाणवतात जसे की, अंगावर शहारे येणे,
केस उभे राहणे, त्वचेवर झिणझिण्या जाणवणे.अशी लक्षणं दिसली तर त्वरित गुडघ्यात मान घालून जमिनीवर बसावं आणि धातूच्या वस्तूंपासून दूर रहावं.
Mumbai,Maharashtra
