गावासाठी आदर्श! पतीच्या मृत्यूनंतर रूबीने दाखवली हिंमत, जिद्दीने केली शेती, वर्षाला कमवते ‘इतके’ लाख

अनुभवी शेतकऱ्यांकडून शिकून घेतलं

तिने अनुभवी शेतकऱ्यांचा सल्ला घेतला आणि नवऱ्याच्या वाटणीची जमीन आपली ताकद बनवून शेतीत उतरली. सुरुवातीला साधनसामग्री आणि अनुभवाची कमी तिला जाणवली, पण हळू हळू तिने स्थानिक कृषी अधिकाऱ्यांकडून आणि अनुभवी शेतकऱ्यांकडून मार्गदर्शन घेऊन सगळं शिकून घेतलं.

शेतीतून होतेय 5 लाखांची कमाई

रूबी गेल्या 12 वर्षांपासून हिरव्या भाज्यांची शेती करत आहे आणि आता तिचं वार्षिक उत्पन्न सुमारे 5 लाख रुपयांपर्यंत पोहोचलं आहे. तिच्या शेतात कोबी, टोमॅटो, वाटाणा, भेंडी, वांगी, कारले आणि ढोबळी मिरचीसारख्या अनेक प्रकारच्या मौसमी भाज्या पिकतात. इतर महिलांसाठीही प्रेरणास्रोत ठरलेली रूबी सध्या तिच्या शेतात वांगी, भेंडी आणि लसूणची लागवड करत आहे, तर कोबी आणि परवळची पीक तयार व्हायच्या मार्गावर आहे.

संपूर्ण गावासाठी झाली आदर्श उदाहरण

ॉरूबी केवळ तिच्या कुटुंबाची चांगली काळजी घेत नाही, तर गावातील इतर महिलांसाठीही ती प्रेरणास्रोत बनली आहे. तिच्या यशाने हे सिद्ध होतं की, जर हिंमत आणि कठोर परिश्रम करण्याची तयारी असेल, तर कोणतीही अडचण माणसाला थांबवू शकत नाही. आज रूबी स्वावलंबन आणि आत्मसन्मानाचं एक मजबूत प्रतीक बनली आहे.