Last Updated:
PM Kisan Yojana : केंद्र सरकारकडून शेतकऱ्यांसाठी सुरू करण्यात आलेली ‘प्रधानमंत्री किसान सन्मान निधी’ (PM-KISAN) योजना आता अधिक पारदर्शक आणि प्रभावी करण्याच्या दिशेने वाटचाल करत आहे. या योजनेचा 20 वा हप्ता जून 2025 मध्ये शेतकऱ्यांच्या खात्यात जमा होणार आहे.
मुंबई : केंद्र सरकारकडून शेतकऱ्यांसाठी सुरू करण्यात आलेली ‘प्रधानमंत्री किसान सन्मान निधी’ (PM-KISAN) योजना आता अधिक पारदर्शक आणि प्रभावी करण्याच्या दिशेने वाटचाल करत आहे. या योजनेचा 20 वा हप्ता जून 2025 मध्ये शेतकऱ्यांच्या खात्यात जमा होणार आहे. मात्र यावेळी केंद्र सरकारने एक महत्त्वाचा निर्णय घेतला असून, फक्त ‘फार्मर आयडी’ (Farmer ID) असलेल्या शेतकऱ्यांनाच हा हप्ता मिळणार आहे.
काय आहे फार्मर आयडी?
फार्मर आयडी म्हणजे शेतकऱ्याची ओळख पटवणारा एक विशिष्ट क्रमांक, जो डिजिटल स्वरूपात तयार केला जातो. सरकार शेतकऱ्यांची माहिती एका केंद्रीकृत डेटाबेसमध्ये संकलित करत आहे आणि प्रत्येक शेतकऱ्याला एक युनिक आयडी दिला जातो. या आयडीमध्ये शेतकऱ्याचे नाव, आधार क्रमांक, शेतीचे क्षेत्रफळ, पीक पद्धती, बँक खाती आणि इतर माहिती समाविष्ट असते.
का घेतला निर्णय?
सरकारच्या माहितीनुसार, आतापर्यंत पीएम किसान योजनेच्या लाभार्थ्यांमध्ये अनेक अपात्र व्यक्तींचा समावेश झाल्याचे उघड झाले आहे. यात शेतजमीन नसलेले, करदाते, संस्थात्मक जमीनधारक, सरकारी कर्मचारी यांचा समावेश होता. यामुळे योजनेचा योग्य लाभ खऱ्या गरजू शेतकऱ्यांपर्यंत पोहोचत नव्हता. आता ‘फार्मर आयडी’च्या अटीनंतर, अपात्र व्यक्ती या योजनेपासून आपोआप वगळल्या जातील,आणि खरे लाभार्थीच यात सहभागी राहतील.
20 वा हप्ता केव्हा मिळणार?
योजनेचा 20 वा हप्ता जून 2025 मध्ये शेतकऱ्यांच्या खात्यात जमा होण्याची शक्यता आहे. नेहमीप्रमाणे, पात्र शेतकऱ्यांच्या बँक खात्यात 2,000 रु थेट जमा होणार आहेत. पण यावेळी फक्त फार्मर आयडी लिंक केलेल्या खात्यांनाच पैसे मिळणार आहेत. त्यामुळे शेतकऱ्यांनी लवकरात लवकर आपली माहिती पीएम किसान पोर्टलवर अद्ययावत करावी, आणि फार्मर आयडी जनरेट केला आहे का याची खात्री करावी.
दरम्यान, पीएम किसान योजनेचा 20 वा हप्ता आता केवळ पात्र, फार्मर आयडी धारक शेतकऱ्यांनाच मिळणार आहे. त्यामुळे या योजनेचा लाभ घेण्यासाठी शेतकऱ्यांनी आपली माहिती वेळेत अपडेट करून ठेवणं आवश्यक आहे. अन्यथा, यंदाचा हप्ता थांबू शकतो.
Mumbai,Maharashtra
पीएम किसानच्या 20 व्या हप्त्यासाठी नवीन अट! हे डॉक्युमेंट नसल्यास मिळणार नाही 2,000 रुपये
