Agriculture News : मालामाल होण्याची संधी! शेतात 400 झाडे लावा, एका लाकडाला 3,000 रु भाव, कराल बक्कळ कमाई

साग म्हणजे काय?

साग म्हणजे ‘टीक वुड’ (Teak Wood). याला “लाकडांचा राजा” म्हणून ओळखले जाते. बांधकाम, फर्निचर, सजावटीच्या वस्तूंमध्ये याला मोठी मागणी आहे. सागाचे लाकूड टिकाऊ, मजबूत आणि पाण्याचे मळ न लागणारे असते. त्यामुळे देशांतर्गतच नव्हे तर आंतरराष्ट्रीय बाजारातही याला प्रचंड मागणी आहे.

साग लागवडीचे फायदे

एकदाची लागवड,दीर्घकाळ फायदा – सागाचे झाड एकदा लावल्यानंतर 15-20 वर्षे नंतर त्यातून लाखोंचा नफा मिळू शकतो.ही एक लाँग टर्म गुंतवणूक आहे.

कमी देखभाल खर्च – सुरुवातीचे 2-3 वर्षे झाडांची निगा राखणे आवश्यक असते. त्यानंतर विशेष देखभालीची गरज नसते.

पाण्याची कमी गरज – सागाच्या शेतीसाठी मध्यम प्रमाणात पाणी लागते, त्यामुळे कोरडवाहू भागांमध्येही ही शेती फायदेशीर ठरू शकते.

हवामान कसं असावे?

हवामान व जमीन : साग शेतीसाठी मध्यम ते काळी जमीन उत्तम मानली जाते. उष्ण व दमट हवामान आवश्यक.

रोपे व रोपांची निवड : सरकारी किंवा प्रमाणित खासगी रोपवाटिकेतून ‘क्लोनल टीक’ किंवा उन्नत जातीची रोपे घ्यावीत.

अंतर ठेवणे : प्रत्येकी झाडामध्ये 10 बाय 10 फूट अंतर ठेवले जाते.

योजना आणि अनुदान : महाराष्ट्र शासनाच्या वनविभागाकडून किंवा राष्ट्रीय कृषी विकास योजनेंतर्गत (RKVY) काही अनुदान मिळू शकते. ‘अग्रोफॉरेस्ट्री’ अंतर्गतही मदत होते.

नफा कसा मिळतो?

प्रति झाड अंदाजे 10-15 घनफुट लाकूड मिळते. सध्या बाजारात 1 घनफुट साग लाकडाची किंमत 1,500 ते 3,000 आहे. एका एकरात साधारण 400 झाडे लावता येतात. आणि त्यातून शेतकरी लाखो रूपये कमवू शकतो.