Agriculture News : जिरायतीपासून ते बहुवार्षिक पिकांपर्यंत! नव्याने नुकसान भरपाई किती मिळणार? वाचा सविस्तर

राज्य सरकारने नुकसान भरपाईसाठी राज्य आपत्ती प्रतिसाद निधी (SDRF) अंतर्गत निकष पूर्वीच निश्चित केले होते, आणि डिसेंबर 2023 पर्यंत त्यानुसारच शेतकऱ्यांना मदत मिळत होती. मात्र, 1 जानेवारी 2024 रोजी महायुती सरकारने एक नवा जीआर काढत मदतीचे दर आणि हेक्टर मर्यादा वाढवली होती.

केंद्राच्या सूचनेनंतर पूर्वीच्या दरांनुसारच मदत

मात्र, केंद्र सरकारने राज्य सरकारला कळवले आहे की, नुकसानभरपाई SDRF च्या निकषांनुसारच द्यावी लागेल आणि त्याबाहेर मदत देणे अधिकृत मानले जाणार नाही. त्यामुळे आता 27 मार्च 2023 रोजीच्या जीआरनुसार निश्चित दरांनुसारच मदत दिली जाईल, असे स्पष्ट करण्यात आले आहे.

जुने व नवीन दर (तक्त्याच्या स्वरूपात) 

नुकसानीचा प्रकार         जुने दर (2 हेक्टर मर्यादा)                  नवीन दर (3 हेक्टर मर्यादा)

जिरायत पिके                    8,500 प्रति हेक्टर                           13,600 प्रति हेक्टर

बागायत पिके                    17,000 प्रति हेक्टर                           27,000 प्रति हेक्टर

बहुवार्षिक पिके               22,500 प्रति हेक्टर                                 36,000 प्रति हेक्टर

नवा जीआर तत्काळ लागू

शुक्रवारी जाहीर झालेला नवीन जीआर, 1 जानेवारी 2024 रोजीच्या जीआरची जागा घेत असून, तो तत्काळ प्रभावी करण्यात आला आहे. याचा अर्थ असा की, आता वाढीव दरानुसार मिळणारी नुकसानभरपाई रद्द झाली असून,फक्त पूर्वी ठरवलेल्या दरांनुसारच मदत दिली जाईल. राज्य मंत्रिमंडळाच्या 27 मे 2025 च्या बैठकीत या निर्णयाला अंतिम मंजुरी देण्यात आली होती.