Agriculture News : कोणाच्या नावावर किती जमीन? या पद्धतीने एका क्लिकवर मिळवा संपूर्ण माहिती

मुंबई : घर-बंगला, जमीन किंवा प्लॉट खरेदी करणं प्रत्येकाचं स्वप्न असतं. प्रत्येकाला वाटतं की, त्याचं स्वतःचं आलिशान घर असावं. लोक गुंतवणुकीच्या हिशोबानेही प्रॉपर्टी मध्ये पैसे लावतात. मात्र मोठ्या प्रमाणात होत असलेल्या रजिस्ट्री दरम्यान फसवणुकही मोठ्या प्रमाणात होते. तुम्ही पाहिलं असेल की, एकाच प्लॉटची रजिस्ट्री अनेक लोकांच्या नावावर असते. अशा वेळी अनेकदा तर लोकांच्या हातून पैसा आणि प्रॉपर्टी दोन्हीही निघून जातं. यामुळे कोणतीही जमीन खरेदी करण्यापूर्वी पूर्ण माहिती काढणं आणि चौकशी करणं गरजेचं असतं. पहिले तुम्हाला जमीन खरेदी करण्यासाठी तलाठी कार्यालयात जमीन मालकाची माहिती घ्यावी लागत असे. मात्र आता महसूल विभागाने डेटा ऑनलाइन केला आहे. याचा फायदा असा की, लोकांना आता जमिनीचा मालक जाणून घेण्यासाठी तलाठ्याकडे जाण्याची गरज नाही. ऑनलाइन प्रक्रियेद्वारे तुम्ही भू नकाशा,भुलेख, खाते उतारा इत्यादींच्या नोंदी तपासू शकता.