Tractor News : सेकंड हॅन्ड ट्रॅक्टर खरेदी करण्यासाठी कर्ज कसं मिळवायचे? कोणती काळजी घ्यावी? जाणून घ्या सविस्तर

या सर्व अडचणींवर तोडगा म्हणून अनेक शेतकरी नवीन ट्रॅक्टरऐवजी वापरात असलेले, पण चांगल्या स्थितीतले सेकंड हँड ट्रॅक्टर खरेदी करण्यास प्राधान्य देत आहेत. यासाठी बँका आणि वित्तीय संस्था विविध कर्जयोजना देतात, ज्यामुळे शेतकऱ्यांना सहजपणे ट्रॅक्टर मिळू शकतो. या प्रकारच्या कर्जाला ‘सेकंड हँड ट्रॅक्टर लोन’ किंवा ‘यूज्ड ट्रॅक्टर कर्ज’ असे म्हणतात.

सेकंड हँड ट्रॅक्टरसाठी कर्ज घेताना महत्त्वाच्या बाबी

ट्रॅक्टर खरेदीसाठी कर्ज घेण्यापूर्वी योग्य बँक किंवा वित्तसंस्था निवडणे महत्त्वाचे आहे. विविध बँका आणि वित्तीय कंपन्या वेगवेगळ्या व्याजदराने कर्ज पुरवतात. साधारणतः सेकंड हँड ट्रॅक्टर कर्जावर 8% ते 12% व्याजदर असतो. सरकारी बँकांकडून घेतलेल्या कर्जावर तुलनेने कमी व्याजदर असतो आणि विविध शासकीय अनुदानेही मिळू शकतात. तथापि, सरकारी बँकांच्या कर्ज प्रक्रिया अधिक कडक असतात. अर्ज मंजूर होण्यासाठी आवश्यक कागदपत्रे आणि पात्रतेचे निकष पूर्ण करणे अत्यावश्यक असते.

कर्जासाठी आवश्यक कागदपत्रे

सेकंड हँड ट्रॅक्टरसाठी कर्ज घेण्यासाठी खालील महत्त्वाची कागदपत्रे आवश्यक आहेत:

आधार कार्ड आणि पॅन कार्ड

रहिवासी पुरावा (उदा. रेशन कार्ड,वीज बिल)

बँक पासबुक आणि मागील सहा महिन्यांचे स्टेटमेंट

उत्पन्नाचा दाखला किंवा शेती उत्पन्नाचा पुरावा

जमिनीच्या मालकीचे दस्तऐवज

ट्रॅक्टरच्या मूळ मालकाचा विक्री करार आणि नोंदणी प्रमाणपत्र

दोन पासपोर्ट आकाराचे फोटो

आधारशी लिंक असलेला मोबाईल नंबर

बँक किंवा वित्तीय संस्था ही सर्व कागदपत्रे तपासून अर्जदाराची पात्रता निश्चित करते आणि त्यानंतर कर्ज मंजूर करते.

ट्रॅक्टर कर्जासाठी पात्रता निकष

सेकंड हँड ट्रॅक्टर खरेदीसाठी कर्ज मिळवण्यासाठी काही महत्त्वाचे निकष आहेत:

अर्जदाराचे वय 18 वर्षांपेक्षा अधिक असावे.

अर्जदाराकडे किमान 2 एकर जमीन असणे आवश्यक आहे.

अर्जदाराच्या नावावर जमीन असणे आवश्यक आहे आणि त्याचा पुरावा द्यावा लागतो.

CIBIL स्कोअर चांगला असावा, जेणेकरून कर्ज मंजुरीची प्रक्रिया सुलभ होईल.

अर्जदाराकडे कर्ज परतफेड करण्याची क्षमता असणे आवश्यक आहे.

शेतीमध्ये ट्रॅक्टरचा महत्त्वाचा वापर

ट्रॅक्टर हे शेतीसाठी एक अत्यावश्यक साधन आहे. नांगरणी, पेरणी, मळणी, वाहतूक अशा अनेक कामांसाठी ट्रॅक्टरचा उपयोग होतो. नवीन ट्रॅक्टर महाग असल्याने सेकंड हँड ट्रॅक्टर हा एक उत्तम पर्याय ठरू शकतो.

दरम्यान, शेतकऱ्यांसाठी ट्रॅक्टर खरेदी एक मोठा आर्थिक निर्णय असतो. जर नवीन ट्रॅक्टर खरेदी करणे शक्य नसेल, तर सेकंड हँड ट्रॅक्टर घेणे अधिक फायदेशीर ठरू शकते. यासाठी योग्य कर्ज योजना निवडणे, कागदपत्रांची पूर्तता करणे आणि कर्ज परतफेडीचे नियोजन करणे आवश्यक आहे. बँका आणि वित्तीय संस्थांकडून पुरवलेल्या सुविधांचा लाभ घेत शेतकरी आपली शेती अधिक फायदेशीर बनवू शकतात.