Agriculture News : पावसाळ्यात विजांपासून पाळीव पशूंचे संरक्षण कसं करायचे? वाचा तज्ज्ञांचा सल्ला

1) शेड सुरक्षित असणे आवश्यक

तज्ज्ञ सांगतात की, जनावरांसाठी असलेल्या गोठ्यांचे बांधकाम सुरक्षित असावे. गोठा लोखंडी छताचा किंवा टिनाच्या पत्र्याचा असेल तर तो विजेच्या धक्क्यांना अधिक संवेदनशील असतो. त्यामुळे शक्यतो अशा छतांवर विजनिरोधक उपकरण (lightning arrester) बसवावे. शेडच्या चारही कोपऱ्यांवर वीजचालक नळ्या (conductors) बसवल्या जाऊ शकतात, ज्यामुळे विजेचा धक्का थेट जमिनीत उतरतो.

2) पशूंना उघड्यावर बांधू नका

पावसाळ्याच्या दिवसात किंवा विजांचा आवाज ऐकू आल्यावर गाय, म्हशी, बैल आदी जनावरे उघड्यावर किंवा झाडाखाली बांधू नयेत. झाडांवर वीज पडण्याची शक्यता अधिक असते, त्यामुळे त्याखाली असलेली जनावरे मोठ्या धोक्यात येतात. जनावरांना शक्यतो गोठ्यातच ठेवावे व तेथेच खुराकाची सोय करावी.

3) गोठ्याच्या जवळ उंच धातूचे खांब नकोत

जनावरांच्या शेडच्या जवळ मोठ्या धातूच्या वस्तू, उंच लोखंडी खांब किंवा विजेचे टॉवर्स असल्यास विज पडण्याची शक्यता वाढते.अशा वस्तूंना शक्यतो दूर ठेवावे किंवा त्यांच्यावर वीजरोधक यंत्रणा बसवावी.

4) जमिनीतील ओलावा आणि वीज प्रवाह

पावसामुळे जमिनीला ओलावा असतो आणि वीज सहज वाहते. त्यामुळे विज पडली असता तिचा झटका जमिनीच्या माध्यमातूनही जनावरांपर्यंत पोहोचू शकतो. म्हणून जनावरांचे पाय प्लास्टिक किंवा रबरी चटईवर असतील, तर थेट वीज प्रवाहाचा धोका कमी होतो.

5) आपत्कालीन काळजी व विमा

तज्ज्ञ सुचवतात की, शेतकऱ्यांनी पशूविमा योजना यामध्ये आपली जनावरे नोंदवावी. आकस्मिक मृत्यू झाल्यास आर्थिक मदत मिळते. तसेच, शेडमध्ये प्राथमिक उपचार पेटी ठेवावी आणि नजीकच्या पशुवैद्यकीय अधिकाऱ्याचा संपर्क क्रमांक उपलब्ध ठेवावा.