Akshaya Tritiya 2025: अक्षय तृतीयेला हापूस इतका स्वस्त कुठेच नाही! डझनाला एवढे मोजावे लागतील पैसे, Video

व्यापाऱ्यांनी दिलेल्या माहितीनुसार, सध्या बाजारात दररोज हजारो पेट्यांमध्ये आंबा येत आहे. राज्य पणन महामंडळाच्या वतीने ग्राहकांसाठी थेट शेतकऱ्यांकडून खरेदीची सुविधा उपलब्ध करून देण्यात आली आहे, त्यामुळे बाजारपेठांमध्ये आंबा खरेदीसाठी मोठी गर्दी होत आहे. वाढलेल्या आवकेमुळे दर सामान्य ग्राहकांच्या आवाक्यात आले आहेत.

Akshaya Tritiya 2025 : अक्षय तृतीयेनिमित्ताने घागर-कराकिळीला आलं महत्त्व, पुण्यातील या ठिकाणी मिळेल स्वस्तात

सध्या कोकणासह राज्यातील इतर भागांमधून तसेच विविध राज्यांमधूनही मोठ्या प्रमाणात आंबा पुण्यात दाखल होत आहे. हापूसचा हंगाम मे महिन्याच्या मध्यापर्यंत सुरू राहणार असून, सध्या बाजारात चांगल्या प्रतीचा आंबा भरपूर प्रमाणात उपलब्ध आहे. दरही ग्राहकांना परवडतील असे आहेत, त्यामुळे अक्षय तृतीयेनिमित्त सर्वांना दर्जेदार हापूसचा स्वाद घेता येणार आहे. यंदा जास्त उष्णतेमुळे आंब्याचा हंगाम थोडा लवकर सुरू झाला आहे. सध्या दर स्थिर असून, अक्षय तृतीयेनंतर मात्र दरात आणखी घसरण होण्याची शक्यता व्यापाऱ्यांनी व्यक्त केली आहे.

हापूस 400 ते 900 रुपये डझन साईझनुसार, तोतापुरी 40 ते 50 रुपये किलो, पायरी 70 ते 80 रुपये किलो, बदामी 70 ते 120 रुपये किलो, केसरी 90 ते 120 रुपये किलो आहेत. हापूस आंब्याचे दर 500 ते 900 रुपयांच्या दरम्यान असून, साईझनुसार फरक आहे. छोट्या फळांच्या डझनाची पेटी सुमारे 350 रुपये, मध्यम आकाराच्या फळांची 700 रुपये, तर मोठ्या फळांची डझन पेटी 850 ते 900 रुपयांपर्यंत विकली जात आहे. संपूर्ण हापूस आंब्याची मोठी पेटी 3500 रुपयांपर्यंत आहे, अशी माहिती आंबा व्यापारी अमित शीर्षेकर यांनी दिली आहे.