Agriculture News : पेरणी करत असाल तर थांबा! कृषी तज्ज्ञांचा सल्ला वाचा, अन्यथा होईल नुकसान

लगेच पेरणी नको

कृषी तज्ज्ञांच्या मते, हा पाऊस प्राथमिक असतो आणि अनेकदा 2-4 दिवसात खंडही पडतो. त्यामुळे असे सुरुवातीचे पावसाळी दिवस ‘छद्मी’ पावसाचे उदाहरण असू शकतात. जर शेतकऱ्यांनी याच वेळी पेरण्या केल्या, तर पुढील काही दिवस पाऊस न पडल्यास बियाण्यांची नासाडी होऊ शकते. त्यामुळे खरिप पेरणीसाठी स्थिर व सातत्यपूर्ण पावसाची वाट पाहणे जास्त सुरक्षित असल्याचे ते सुचवतात.

कोणत्या पिकांची पेरणी थांबवावी, कोणती चालू ठेवावी?

सुरुवातीच्या टप्प्यावर उडीद, मूग, सोयाबीन, तूर या पिकांसाठी थोडा अवधी थांबणे फायद्याचे ठरते. मात्र कोकण व पश्चिम महाराष्ट्रात भातासाठी लागणारे नर्सरी बेड्स तयार करण्यास हरकत नाही, कारण या भागात लवकर आणि नियमित पावसाची शक्यता अधिक असते.

दरम्यान, महाराष्ट्रात पावसाला सुरुवात झाली असली तरी शेतकऱ्यांनी अजून काही दिवसांची वाट पाहणेच योग्य ठरेल. सुरुवातीचा पाऊस विश्वासार्ह नसतो, त्यामुळे पेरणीस घाई न करता हवामानाचा अंदाज व मातीतील ओल लक्षात घेऊनच पुढील निर्णय घ्यावा. बियाणे आणि खते यांचेही यामुळे नुकसान टळेल आणि खरीप हंगाम यशस्वीपणे पार पडेल.