Success Story : महिलांची कमाल! 10 जणी एकत्र आल्या अन् सुरू केली नर्सरी, आता करताहेत ‘इतकी’ कमाई

‘नवदुर्गा मंडळा’ने उघडली कमाईची नवी वाट

या मंडळाची सुरुवात काही वर्षांपूर्वी झाली, जेव्हा गावातील महिलांनी काहीतरी नवीन करण्याचा निर्णय घेतला. या गटाच्या सदस्या असलेल्या राधिकाबेन परमार सांगतात की, त्या फक्त दहावीपर्यंत शिकल्या आहेत, पण कठोर परिश्रम आणि समर्पणाच्या जोरावर आज त्या आत्मनिर्भर आहेत. मंडळात सहभागी असलेली प्रत्येक महिला आज स्वतःच्या पायावर उभी आहे. या छोट्याशा पावलामुळे केवळ त्यांचे जीवन बदलले नाही, तर ते गावातील इतर लोकांसाठीही एक उदाहरण बनले आहे.

दर महिन्याला 10 ते 12 हजार रुपयांची कमाई

या रोपवाटिकेत आंबा, सीताफळ, चिकू, डाळिंब, पपई, आवळा आणि पेरू यांसारख्या फळझाडांची लागवड केली जाते. या रोपांची किंमत 20 रुपयांपासून ते 200 रुपयांपर्यंत असते. तयार केलेली रोपे केवळ अमरेलीमध्येच नव्हे, तर आसपासच्या जिल्ह्यांमध्येही पाठवली जातात. दररोज इथून 100 हून अधिक रोपांची विक्री होते आणि प्रत्येक महिला महिन्याला सुमारे 10 ते 12 हजार रुपये कमावते.

सरकारी मदतीने वाढला आत्मविश्वास

गुजरात सरकारने महिलांसाठी चालवलेल्या योजना आणि प्रशिक्षण कार्यक्रमातून या महिलांना मोठा पाठिंबा मिळाला आहे. सरकारने दिलेल्या आर्थिक आणि तांत्रिक मदतीमुळे या महिलांचा आत्मविश्वास वाढला आहे. आज त्या केवळ त्यांच्या घरचा खर्च चालवत नाहीत, तर इतरांनाही काम देण्याच्या स्थितीत आहेत.

नर्सरी केवळ उत्पन्नाचे साधन नाही, तर बदलाची सुरुवात

कुंभारिया गावातील या उपक्रमातून हे दिसून येतं की, जर योग्य दिशेने पाऊल उचलले, तर शहरातील महिलांप्रमाणेच गावातील महिलाही आत्मनिर्भर बनू शकतात. आज ‘आजीविका नवदुर्गा मंडळा’च्या महिला केवळ रोपे वाढवत नाहीत, तर संपूर्ण समाजात बदलाचे बीज पेरणी करत आहेत.