गेल्या काही वर्षांत मत्स्यपालन हा एक आकर्षक आणि फायदेशीर व्यवसाय म्हणून समोर आला आहे. अनेक शेतकरी हा व्यवसाय करून चांगले उत्पन्न मिळवत आहेत. त्यामुळे, मत्स्यपालन व्यवसाय कसा सुरू करावा? त्यासाठी कोणत्या शासकीय प्रक्रिया आवश्यक आहेत? तसेच, अनुदान किती मिळू शकते? याची संपूर्ण माहिती आपण पाहूया.
मत्स्यपालन व्यवसायासाठी परवानगी आवश्यक आहे का?
मत्स्यपालन व्यवसाय सुरू करण्यासाठी कोणत्याही विशेष परवानगीची आवश्यकता नसते. मात्र, व्यवसाय अधिकृतरित्या नोंदणी करणे गरजेचे असते. नोंदणी प्रक्रियेत, शेतकऱ्यांनी आपल्या मत्स्यपालन व्यवसायाची संपूर्ण माहिती द्यावी लागते.
सरकारी अनुदान किती मिळते?
मत्स्यपालनास चालना देण्यासाठी सरकारतर्फे प्रधानमंत्री मत्स्य संपदा योजना राबवली जाते. या योजनेअंतर्गत भारत सरकार शेतकऱ्यांना 60% अनुदान प्रदान करते. त्यामुळे, ज्या शेतकऱ्यांकडे नैसर्गिक तलाव नाहीत, ते देखील सहजपणे मत्स्यपालन व्यवसाय सुरू करू शकतात.
मत्स्यपालन व्यवसाय कसा सुरू करावा?
मत्स्यपालन सुरू करण्यासाठी योग्य प्रशिक्षण घेणे अत्यंत महत्त्वाचे आहे. प्रशिक्षण घेतल्यास, व्यवसाय अधिक फायदेशीर आणि शास्त्रशुद्ध पद्धतीने करता येतो.
लहान तलाव तयार करणे
मत्स्यपालनासाठी लहानसा तलाव तयार करावा लागतो. साधारणपणे तलाव तयार करण्यासाठी 50,000 रुपयांपर्यंत खर्च येऊ शकतो. जर गावात कोणी रिकामी जमीन देत असेल,तर जमीन खरेदीचा खर्च वाचतो.
मासे संगोपन प्रक्रिया
तलावात मत्स्य बिया टाकल्यानंतर केवळ एक महिन्यातच मासे विक्रीसाठी तयार होतात.
माशांना वर्षभर मागणी असते, त्यामुळे बाजारात चांगला दर मिळतो.
शाश्वत उत्पन्नाचा हमीदार व्यवसाय
मत्स्यपालन व्यवसाय हा शेतकऱ्यांसाठी स्थिर आणि शाश्वत उत्पन्न देणारा मार्ग ठरू शकतो. माशांच्या सातत्यपूर्ण मागणीमुळे हा व्यवसाय मोठ्या प्रमाणावर स्वीकारला जात आहे. जर योग्य नियोजन आणि व्यवस्थापन केले, तर हा व्यवसाय शेतीसोबत जास्त फायदा मिळवून देऊ शकतो.
Mumbai,Maharashtra
