Last Updated:
Agriculture News : मोटार वाहन कायदा (MVA) अंतर्गत वाहन चालवण्याचे अधिकार वेगवेगळ्या श्रेणींनुसार दिले जातात. कलम 10 नुसार, ड्रायव्हिंग लायसन्सवर संबंधित वाहनाची श्रेणी स्पष्टपणे नमूद असणे आवश्यक आहे. अनेकांना प्रश्न पडतो.
मुंबई : मोटार वाहन कायदा (MVA) अंतर्गत वाहन चालवण्याचे अधिकार वेगवेगळ्या श्रेणींनुसार दिले जातात. कलम 10 नुसार, ड्रायव्हिंग लायसन्सवर संबंधित वाहनाची श्रेणी स्पष्टपणे नमूद असणे आवश्यक आहे. अनेकांना प्रश्न पडतो. LMV (हलकी मोटार वाहने) परवानाधारक व्यक्ती ट्रॅक्टर चालवू शकते का? याच प्रश्नावर अलीकडेच कर्नाटक उच्च न्यायालयाने महत्त्वाचा निर्णय दिला आहे.
ट्रॅक्टरसाठी वेगळा परवाना आवश्यक आहे का?
भारत हा कृषीप्रधान देश आहे आणि शेतीकामासाठी ट्रॅक्टरचा मोठ्या प्रमाणावर वापर होतो. रस्त्यांवर किंवा सार्वजनिक ठिकाणी ट्रॅक्टर चालवताना कायद्याचे पालन करणे आवश्यक आहे. LMV लायसन्स (हलकी मोटार वाहने) असल्यास, ट्रॅक्टर चालवण्याची परवानगी असते, जर ट्रॅक्टरचे वजन 7500 किलोपेक्षा कमी असेल तर.
न्यायालयाचा स्पष्ट निर्णय
कर्नाटक उच्च न्यायालयाने अलीकडेच दिलेल्या निर्णयात म्हटले आहे की, “LMV लायसन्स असलेली व्यक्ती ट्रॅक्टर चालवू शकते, जर त्याचे एकूण वजन 7500 किलोपेक्षा अधिक नसेल.”
हा निर्णय एका विमा दाव्यावर दिला गेला, ज्यात ट्रॅक्टर चालकाकडून अपघात झाला होता. विमा कंपनीने नुकसान भरपाई टाळण्याचा प्रयत्न केला,परंतु न्यायमूर्ती के. नटराजन यांच्या खंडपीठाने अपील फेटाळून विमा कंपनीला नुकसान भरपाई देण्याचे आदेश दिले.
LMV लायसन्सचे महत्त्व
LMV लायसन्स एक वैध ड्रायव्हिंग ओळखपत्र आहे. भारतात कोणतीही हलकी मोटार वाहन चालवण्यासाठी (4 चाकी कार, जीप, ट्रॅक्टर इ.) हे लायसन्स उपयोगी पडते. 18 वर्षांवरील व्यक्ती हे लायसन्स मिळवू शकते.
ट्रॅक्टरचे वजन 7500 किलोपेक्षा जास्त असल्यास, वेगळ्या लायसन्सची गरज भासू शकते (जसे की ट्रान्सपोर्ट व्हेईकल लायसन्स). MVA कलम 2(21) नुसार, LMV म्हणजे अशा प्रकारचे वाहने ज्याचे एकूण वजन 7500 किलोपेक्षा जास्त नसते. ट्रॅक्टर जर या वजनमर्यादेत असेल, तर ते LMV श्रेणीत मोडते.
Mumbai,Maharashtra
