Gharkul Yojana : तुम्ही घरकुल योजनेसाठी अर्ज करूनही लाभार्थी यादीत नाव येत नाही? हे आहेत त्यामागचे कारणे

प्रधानमंत्री घरकुल योजनेच्या लाभार्थी यादीत नाव येण्यासाठी काही अटी आणि निकष पूर्ण करणे आवश्यक असते. हे निकष पुढीलप्रमाणे आहेत. जसे की, अर्ज भरताना चुकीची किंवा अपूर्ण माहिती दिली असल्यास तुमचा अर्ज बाद होऊ शकतो. यापूर्वी कोणत्याही घरकुल योजनेचा लाभ घेतलेला नसणे आवश्यक आहे. घराच्या मालकीत महिलांचेही नाव असणे गरजेचे आहे. कुटुंबाचे वार्षिक उत्पन्न 3 लाख, 6 लाख किंवा 12 लाख रुपयांपर्यंतच्या तीन श्रेणींमध्ये असणे आवश्यक आहे.

आर्थिकदृष्ट्या दुर्बल घटक (EWS) – ज्यांचे वार्षिक उत्पन्न 3 लाख रुपयांपर्यंत आहे.

प्रधानमंत्री आवास योजनेंतर्गत अर्ज प्रक्रिया आता सोपी झाली आहे. अर्ज करण्यासाठी गुगल प्ले स्टोअरवरून प्रधानमंत्री आवास योजना अॅप डाउनलोड करा. त्यानंतर मोबाईल नंबरद्वारे नोंदणी करा. तुमच्या मोबाईलवर ओटीपी (OTP) येईल. OTP टाकून लॉगिन करा. पुढे अर्ज करताना नाव, पत्ता, आधार क्रमांक, उत्पन्न व आवश्यक कागदपत्रांची माहिती भरावी लागते.

तुमचे नाव लाभार्थी यादीत आहे की नाही हे तपासण्यासाठी https://pmaymis.gov.in/ या अधिकृत संकेतस्थळावर जा. तेथे ‘Search Beneficiary’ हा पर्याय निवडा. त्यानंतर तुमचे नाव किंवा आधार क्रमांक टाकून यादी तपासा. जर तुमचे नाव यादीत नसेल, तर सर्व माहिती पुन्हा तपासा, आवश्यक कागदपत्रांची पूर्तता करा आणि तांत्रिक अडचणी असल्यास स्थानिक अधिकाऱ्यांशी संपर्क साधा. अशा प्रकारे आवश्यक पावले उचलली, तर तुम्हालाही या योजनेचा लाभ मिळू शकतो.