याला म्हणायची जिद्द! 25 लाखांची सोडली नोकरी, सुरू केला ‘हा’ बिझनेस; वार्षिक उलाढाल ऐकून उडेल झोप!

अवघ्या 3 वर्षांत ते यूपीचे ‘मशरूम किंग’ बनले. भाड्याच्या जागेवर सुरू केलेला हा मशरूम व्यवसाय दरवर्षी सुमारे 25 कोटी रुपयांचा व्यवसाय देतो. या प्लांटमध्ये दररोज 25 ते 30 क्विंटल मशरूमचं उत्पादन होतं, जिथे सुमारे 150 कर्मचारी काम करत आहेत. याची विक्री फक्त उत्तर प्रदेशातच नाही, तर बिहारमध्येही केली जात आहे.

25 लाखांची नोकरी सोडली

आपण आझमगढच्या सागडी तहसील भागातील रामनगर गावचे रहिवासी रवी सिंग यांच्याबद्दल बोलत आहोत. सामान्य माणसांप्रमाणेच त्यांनीही आपलं शिक्षण पूर्ण झाल्यावर नोकरी करण्याचा निर्णय घेतला आणि 2001 मध्ये 25 लाखांच्या पॅकेजवर आयटी इंजिनिअर म्हणून काम करण्यासाठी ते जपानला गेले. पण काम करत असतानाही त्यांच्या मनात काहीतरी मोठं करण्याची इच्छा त्यांना स्वस्थ बसू देत नव्हती. त्यांना स्वतःसाठी आणि आपल्या गावच्या लोकांसाठी काहीतरी असं करायचं होतं, ज्यामुळे ते लोकांसाठी एक उदाहरण बनतील. म्हणूनच, नोकरीतून मिळणारा पगार त्यांना फार काळ समाधान देऊ शकला नाही आणि त्यांनी जपानमधील नोकरी सोडून आपल्या घरी परतण्याचा निर्णय घेतला.

2020 मध्ये मशरूमची शेती सुरू केली

देशात परतल्यावर त्यांनी काही दिवस नेटवर्क मार्केटिंगमध्येही आपलं नशीब आजमावलं. पण त्यांच्या नशिबात काहीतरी वेगळंच लिहिलं होतं. त्यामुळे 2020 मध्ये त्यांनी मशरूमचा व्यवसाय सुरू करण्याचा निर्णय घेतला आणि आझमगढ जिल्ह्यातच एक मशरूम उत्पादन प्लांट उभारला. सुरुवातीला, त्यांनी आपलं कठोर परिश्रम आणि सरकारी योजनांचा फायदा घेत तीन खोल्यांचं मशरूम उत्पादन केंद्र सुरू केलं. त्यांच्या कठोर परिश्रमामुळे आणि ध्येयामुळे, अवघ्या 3 वर्षांत त्यांनी आपली कंपनी पूर्वांचलमधील आणि आता उत्तर प्रदेशातील सर्वात मोठी मशरूम उत्पादन कंपनी बनवली.

दररोज 25-30 क्विंटल मशरूमचे उत्पादन

आज, आझमगढमध्ये त्यांनी स्थापन केलेल्या ‘अभि मशरूम कंपनी’ मध्ये दररोज 25 ते 30 क्विंटल मशरूमचं उत्पादन होतं. याची विक्री आझमगढ आणि सीमावर्ती भागांसोबतच बिहार आणि इतर अनेक राज्यांमध्येही केली जाते. रवी सिंग सांगतात की, त्यांच्या मशरूम उत्पादन केंद्रातून त्यांनी गाव आणि आसपासच्या परिसरातील 200 पेक्षा जास्त महिला आणि पुरुषांना रोजगारही दिला आहे. ते म्हणाले की, सुरुवातीला या कंपनीची सुरुवात करण्यासाठी त्यांनी 20 ते 25 लाख रुपये गुंतवले होते, ज्यात त्यांना सरकारी योजनांचाही लाभ मिळाला. हळूहळू हा व्यवसाय वाढत गेला आणि आज याची वार्षिक उलाढाल 25 कोटी रुपयांपर्यंत पोहोचली आहे. बाजारात मशरूमचा भाव 250 ते 300 रुपये प्रति किलो आहे, त्यामुळे दररोज 25 ते 30 क्विंटल उत्पादनानुसार, 5 ते 6 लाख रुपयांचा व्यवसाय सहज होतो.