PM Gharkul Yojana : घरकुलासाठी अर्ज केलाय पण लाभार्थी यादीत नाव आहे का? असं करा 2 मिनिटांत नाव चेक

परंतु अजूनही अनेकांना हे माहिती नाही की ते या योजनेचे लाभार्थी आहेत की नाही. त्यासाठी सरकारने ऑनलाइन पद्धतीने लाभार्थी यादी तपासण्याची सोपी प्रक्रिया उपलब्ध करून दिली आहे.

नाव कसं चेक कराल?

तुमच्या मोबाईल किंवा संगणकावर कोणत्याही ब्राउजरमध्ये खालीलपैकी एक वेबसाइट उघडा. जसे की, https://pmayg.nic.in, https://pmaymis.gov.in मुख्य पृष्ठावर “AwaasSoft” या पर्यायावर क्लिक करा. आता “Reports” सेक्शनमध्ये जा. तिथे “Social Audit Reports” हा पर्याय निवडा. नंतर “Beneficiary Details for Verification” या लिंकवर क्लिक करा.एक नवीन MIS रिपोर्ट विंडो उघडेल.

यामध्ये खालील माहिती भरावी लागेल जसे की, राज्य – महाराष्ट्र , जिल्हा, तालुका, गावाचे नाव

योजनेचे वर्ष (उदा. 2023-24), योजना प्रकार – PMAY-G नंतर दिलेला Captcha Code भरून ‘Submit’ किंवा ‘Get Report’ वर क्लिक करा. तुमच्या गावातील सर्व लाभार्थ्यांची यादी स्क्रीनवर दिसेल. यात तुमचं नाव, घर मंजुरी क्रमांक, सध्याची बांधकाम स्थिती (उदा. पहिला टप्पा, दुसरा टप्पा, पूर्ण) या माहितीचा समावेश असेल.

घरकुल योजना का आहे महत्त्वाची?

स्वतःचं घर असणं हे प्रत्येक नागरिकाचं स्वप्न आहे. ग्रामीण भागात आजही अनेक कुटुंबं भांडवलाच्या अभावामुळे झोपड्यांमध्ये, अपूर्ण किंवा असुरक्षित घरात राहतात. घरकुल योजनेतून केंद्र सरकार, राज्य सरकार आणि ग्रामपंचायत यांचं समन्वय साधून तीन टप्प्यांमध्ये आर्थिक मदत दिली जाते. तसेच हे अनुदान टप्प्याटप्प्याने दिलं जातं पहिल्या टप्प्यात जमीन/घर मंजूरी, दुसऱ्या टप्प्यात बांधकाम सुरू असताना आणि तिसऱ्या टप्प्यात घर पूर्ण झाल्यावर अंतिम रक्कम दिली जाते.