शेतकरी प्रमाणपत्रामुळे कृषी शाखेतील पदवी आणि पदव्युत्तर अभ्यासक्रमांत प्रवेश घेताना लाभ मिळतो. शिवाय जमीन खरेदी करताना देखील हे प्रमाणपत्र सादर करावं लागतं. काही शासकीय योजनांमध्येही शेतकरी म्हणून मिळणाऱ्या सवलतींसाठी हे प्रमाणपत्र आवश्यक असतं.
हे प्रमाणपत्र दोन ठिकाणी उपलब्ध आहे.तहसील कार्यालयातील सेतू केंद्रात महाराष्ट्र सरकारच्या आपले सरकार पोर्टलवर तुमच्यासाठी जे अधिक सोयीचं असेल, त्या पद्धतीने अर्ज करून हे प्रमाणपत्र मिळवता येतं. आपले सरकार पोर्टलवर https://aaplesarkar.mahaonline.gov.in या लिंकवरूनही तुम्ही अर्ज करू शकता.
शेतकरी प्रमाणपत्रासाठी आवश्यक कागदपत्रं
ओळखीचा पुरावा – आधारकार्ड, पॅन कार्ड, पासपोर्ट, मतदान ओळखपत्र
,रोजगार हमी योजना ओळखपत्र, ड्रायव्हिंग लायसन्स, शासकीय ओळखपत्र
पत्त्याचा पुरावा – आधारकार्ड, पासपोर्ट, रेशन कार्ड, मतदान कार्ड, वीज किंवा पाणी बील, घरफाळा पावती, सातबारा उतारा किंवा ८ अ उतारा
इतर कागदपत्रं – शेतकरी असल्याचा सातबारा किंवा ८ अ उतारा स्वघोषणापत्र (हे अनिवार्य असतं)
वरील सर्व कागदपत्रांसह अर्ज सादर केल्यानंतर साधारण 15 दिवसांच्या आत प्रमाणपत्र मंजूर होतं.
1) आपले सरकार वेबसाईटवर नवीन वापरकर्ता नोंदणी करा. नाव, मोबाईल क्रमांक आणि ईमेल आयडी भरून लॉगिन तयार करा.
2) लॉगिन झाल्यानंतर डॅशबोर्डवर महसूल विभाग निवडा.
3) पुढे महसूल सेवा आणि त्यानंतर शेतकरी प्रमाणपत्र पर्यायावर क्लिक करा.
4) नवीन विंडोमध्ये आवश्यक कागदपत्रांची यादी वाचून घ्या आणि ती तयार ठेवा.
5) अर्जात वैयक्तिक माहिती, पत्ता आणि किती वर्षांपासून त्या पत्त्यावर राहता ही माहिती भरा.
6) कागदपत्रं 75 केबी ते 500 केबी साइजमध्ये स्कॅन करून अपलोड करा. फोटो व सही अपलोड करा.
7) अर्ज सादर करून शुल्क ऑनलाईन भरावे.पावती सेव्ह करून ठेवा.
सर्व कागदपत्रं आणि अर्ज योग्य असल्यास 15 दिवसांच्या आत शेतकरी प्रमाणपत्र मिळेल. जर काही कारणामुळे प्रमाणपत्र मिळालं नाही, तर आपले सरकार पोर्टलवर लॉगिन करून अर्ज करता येईल.
Mumbai,Maharashtra
July 07, 2025 10:00 AM IST
शेतकरी असल्याचा दाखला कसा काढायचा? फायदे,पात्रता,अर्जप्रक्रिया वाचा सविस्तर
