Agriculture News : पावसाळ्यात शेतातील शंख गोगलगायचा प्रभाव कसा कमी करायचा? वाचा सविस्तर

या गोगलगायींचा आयुष्यकाल साधारणपणे पाच ते सहा वर्षांचा असतो. त्यांचा विकासक्रम अंडी, पिल्ले आणि प्रौढ अशा तीन अवस्थांमधून पूर्ण होतो. हिवाळ्यात या गोगलगायी सुप्तावस्थेत जातात. शेतातील औजारे, यंत्रसामग्री, वाहने, बैलगाड्या, शेणखत, विटा, वाळू, रोपे आणि बेणे यांच्या माध्यमातून त्यांचा प्रसार झपाट्याने होतो. रात्रीच्या वेळी किंवा ढगाळ वातावरणात या गोगलगायी बाहेर पडून पानांवर अनियमित आकाराची छिद्रे करतात तसेच पानांच्या कडा व फळांचे नुकसान करतात. विशेष म्हणजे, या गोगलगायींना कोवळी रोपे आणि शेंडे खाण्याची सवय असते. त्यामुळे पिके सुदृढ वाढण्याआधीच मोठ्या प्रमाणात हानी होते.

शेतकऱ्यांनी प्रादुर्भाव रोखण्यासाठी एकात्मिक व्यवस्थापन करणे आवश्यक आहे. त्यासाठी खालील उपाय प्रभावी ठरतात

तंबाखूची भुकटी, चुन्याची पूड किंवा कॉफीची पूड 4 इंच लांबीचा पट्टा करून शेताच्या कडेला टाकल्यास गोगलगायी आत येत नाहीत. निंबोळी पेंड, निंबोळी अर्काचा वापर कीटकनाशक म्हणून करावा. मेटाल्डिहाईडऐवजी आयर्न फॉस्फेटचा 2 किलो प्रति एकर प्रमाणात वापर करावा. हे रसायन पाळीव प्राण्यांसाठी सुरक्षित असते.