Land Survey : शासनाकडून जमिनीची मोजणी कशी करून घ्यायची? अर्ज प्रक्रिया जाणून घ्या सविस्तर

या प्रक्रियेसाठी अर्ज कसा करायचा? कोणती आवश्यक कागदपत्रे लागतात? मोजणी शुल्क किती आहे? आणि महाराष्ट्र सरकारच्या ई-मोजणी प्रणालीचा उपयोग कसा करता येईल, हे या लेखात पाहूया.

जमीन मोजणीसाठी अर्ज करण्याची प्रक्रिया आणि आवश्यक कागदपत्रे

शेतकरी भूमी अभिलेख विभागाच्या तालुका कार्यालयात उप-अधीक्षक भूमी अभिलेख किंवा नगर भूमापन अधिकाऱ्यांकडे अर्ज करू शकतात. हा अर्ज महाराष्ट्र शासनाच्या अधिकृत वेबसाइट (bhumiabhilekh.maharashtra.gov.in) वर उपलब्ध आहे.

अर्जामध्ये आवश्यक माहिती:

अर्जदाराचे नाव आणि पत्ता

अर्जदाराचे पूर्ण नाव

गाव, तालुका आणि जिल्ह्याचे नाव

मोजणीची कारणे आणि तपशील:

मोजणीचा उद्देश (उदा. सीमारेषा निश्चित करणे, अतिक्रमण तपासणी)

संबंधित तालुका, गाव आणि गट क्रमांक

शुल्क आणि चलन माहिती

सरकारी खजिन्यात भरलेली रक्कम

चलन क्रमांक आणि दिनांक

सहधारकांची माहिती

संबंधित गट क्रमांकातील सर्व सहधारकांची नावे व संमतीसह शेताच्या चारही दिशांना असलेल्या शेजाऱ्यांची नावे आणि पत्ते नमूद करणे आवश्यक

आवश्यक कागदपत्रे

तीन महिन्यांच्या आत घेतलेला सातबारा उतारा

मोजणी शुल्क भरल्याची पावती

मिळकत पत्रिका (जर स्थावर मालमत्ता असेल, उदा. घर, उद्योग इ.)

मोजणी अर्जाची प्रक्रिया

अर्ज आणि आवश्यक कागदपत्रे कार्यालयात सादर करावीत.ई-मोजणी प्रणालीत अर्ज नोंदवला जातो.अधिकार्‍यांकडून दस्तऐवज पडताळणी केली जाते.अर्जदाराला शुल्क भरण्यासाठी चलन दिले जाते, जे ऑनलाइन किंवा बँकेत भरता येते. शुल्क भरल्यानंतर अर्जदाराला नोंदणी क्रमांक दिला जातो.मोजणी दिनांक, अधिकाऱ्याचे नाव, संपर्क क्रमांक यासंबंधी अर्जदाराला माहिती दिली जाते.

ई-मोजणी प्रणाली म्हणजे काय?

सध्या पारंपरिक पद्धतीने मोजणीसाठी अर्ज केल्यास वेळ आणि श्रम अधिक लागतात. त्यामुळे सरकारने प्रक्रिया सुलभ करण्यासाठी डिजिटल उपाययोजना केली आहे. महाराष्ट्र भूमी अभिलेख विभागाद्वारे विकसित करण्यात आलेल्या ई-मोजणी प्रणालीमुळे शेतकरी ऑनलाइन अर्ज करू शकतात.मोजणी कोणत्या टप्प्यावर आहे, याची लाईव्ह माहिती उपलब्ध होईल. शेवटी मोजणी पूर्ण झाल्यानंतर प्रमाणपत्र ऑनलाइन डाउनलोड करता येईल.