मोजणी म्हणजे काय?
शेतजमिनीची मोजणी म्हणजे त्या जमिनीच्या क्षेत्रफळाची अचूक नोंद घेणे आणि तिच्या सीमारेषा निश्चित करणे. ही मोजणी शासनाच्या अधिकृत भू-अभिलेख विभागामार्फत केली जाते. त्यामुळे ही एक कायदेशीर आणि अधिकृत प्रक्रिया आहे.
शेजारी विरोध करत असेल तर काय?
प्रथम स्थानिक महसूल अधिकाऱ्यांशी संपर्क साधा
शेजारी जर मोजणीस विरोध करत असेल, तर तक्रार करण्यासाठी तालाठी, मंडळ अधिकारी, अथवा तहसीलदार यांच्याकडे लेखी तक्रार करा.
सातबारा उताऱ्यावर आधारित अर्ज
आपल्या नावावर असलेली जमीन असल्याचे पुरावे जसे की सातबारा, फेरफार, भू नकाशा – यासह मोजणीसाठी भूसंपादन कार्यालयात ‘फॉर्म 8’ द्वारे अर्ज करा.
पोलीस संरक्षणाची मागणी करा
मोजणीदरम्यान अडथळा निर्माण होण्याची शक्यता असल्यास, स्थानीय पोलीस ठाण्यात लेखी निवेदन द्या आणि पोलीस बंदोबस्ताची मागणी करा.
कायदेशीर उपाय काय?
भारतीय जमीन महसूल संहिता अंतर्गत संरक्षण
शेतजमिनीची मोजणी ही महाराष्ट्र जमीन महसूल अधिनियम 1966 नुसार कायदेशीर हक्क आहे. यामध्ये कोणत्याही व्यक्तीने विरोध केला, तर तो अडथळा मानला जातो.
फौजदारी तक्रार
जर शेजारी जबरदस्ती, दमदाटी, किंवा हातघाईवर येत असेल, तर त्याच्या विरोधात IPC कलम 341 (मार्ग अडवणे), 506 (धमकी देणे), 447 (बेकायदेशीर प्रवेश) अंतर्गत पोलीस तक्रार दाखल करता येते.
न्यायालयीन आदेश घेणे
अत्यंत विरोध झाल्यास, स्थानिक सिव्हिल कोर्टात स्थगन आदेशासाठी (injunction order) अर्ज करता येतो. कोर्टाकडून ‘मोजणीला अडथळा करू नये’ अशा प्रकारचा आदेश मिळवता येतो.
तहसीलदारांच्या कार्यालयात चौकशीची मागणी
शेजाऱ्याने जर चुकीची हद्द दाखवून त्रास दिला असेल, तर आपण तहसीलदारांकडे ‘सीमा वाद’ दाखल करून अधिकृत चौकशी आणि फेरमोजणीची मागणी करू शकता.
Mumbai,Maharashtra
June 17, 2025 1:30 PM IST
जमीन मोजणीला शेजारचा शेतकरी विरोध करतोय का? या मार्गाने झटपट समस्या सोडवा
