शेतीची कामे झटपट होणार, ट्रॅक्टर खरेदीसाठी सरकार देणार 3.15 लाख रुपये, अर्ज कसा करायचा?

कोण पात्र आहे?

ही योजना फक्त अनुसूचित जाती आणि नवबौद्ध सदस्यांचा बहुमत असलेल्या बचत गटांसाठी उपलब्ध आहे. गटात किमान 80 टक्के सदस्य SC किंवा नवबौद्ध असणे अनिवार्य आहे. पात्रता तपासूनच अनुदान मंजूर केले जाते. अन्य कोणत्याही जातींच्या बचत गटांना ही योजना लागू नाही.

अनुदान किती आणि कशासाठी?

या योजनेंतर्गत मिनी ट्रॅक्टर खरेदीसाठी 3.15 लाख रुपयांचे आर्थिक साहाय्य दिले जाते. जर ट्रॅक्टरची किंमत जास्त असेल, तर उर्वरित रक्कम गटाने स्वतः उभी करावी लागते. हे अनुदान थेट गटाच्या बँक खात्यात जमा केले जाते.

योजनेचे फायदे काय?

शेतमाल उत्पादनात सुलभता: शेतकरी वर्गासाठी ट्रॅक्टर हे शेतीतील मूलभूत साधन आहे. लहान क्षेत्रावर काम करण्यासाठी मिनी ट्रॅक्टर अधिक उपयुक्त ठरतो.

आर्थिक उत्पन्नाचा स्रोत: ट्रॅक्टर भाड्याने देऊन गटाला अतिरिक्त उत्पन्न मिळू शकते.

स्वतंत्र शेती यंत्रणा: बचत गट स्वतःच्या गरजा पूर्ण करताना दुसऱ्यांवर अवलंबून राहावं लागत नाही.

अर्जासाठी आवश्यक कागदपत्रे

बचत गटाचे नोंदणी प्रमाणपत्र

राष्ट्रीयीकृत बँकेतील खात्याचे पासबुक झेरॉक्स

बँकेने प्रमाणित केलेली फोटोसह सदस्यांची यादी

अध्यक्ष, सचिव आणि 80% सदस्यांचे जातीचे दाखले

सदस्यांचे रहिवासी दाखले किंवा स्वयंघोषणापत्र

सर्व सदस्यांचे आधार आणि रेशन कार्ड

गट स्थापनेचा अधिकृत ठराव

मिनी ट्रॅक्टर खरेदीसाठी संपूर्ण गटाचा ठराव

गटाच्या बैठकीचे एकत्रित छायाचित्र

अर्ज कुठे करायचा?

अर्जासाठी संबंधित जिल्हा समाज कल्याण कार्यालय किंवा तालुका समाज कल्याण अधिकारी कार्यालय येथे संपर्क साधावा. काही जिल्ह्यांमध्ये ही प्रक्रिया ऑनलाइन पद्धतीने देखील पार पडते.