योजनेअंतर्गत एकूण सहा घटकांचा समावेश असून, केंद्र सरकारकडून १२२ कोटी ४८ लाख तर राज्य सरकारकडून ८१ कोटी ६५ लाख रुपये निधी देण्यात येणार आहे. हे अभियान आरकेआय (राष्ट्रीय कृषी विकास योजना) अंतर्गत राबवले जाणार आहे.
कोणते शेतकरी किती अनुदानासाठी पात्र?
अनुसूचित जाती-जमाती, महिला व अल्प/अत्यल्प भूधारक शेतकरी यांना ट्रॅक्टरसाठी ५०% किंवा कमाल सव्वा लाख रुपये अनुदान मिळणार. इतर सर्व शेतकरी यांना ४०% किंवा एक लाख रुपये इतके मर्यादित अनुदान मिळणार आहे. मात्र यंदाच्या उप-अभियानात ट्रॅक्टर खरेदीसाठी थेट निधीची तरतूद करण्यात आलेली नाही, हे विशेष. याऐवजी ट्रॅक्टरला जोडल्या जाणाऱ्या यंत्रसामग्रीसाठी अनुदान दिलं जाणार आहे.
कोणत्या साधनांना अनुदान?
स्वयंचलित, मनुष्य किंवा पशुचलित अवजारं
ट्रॅक्टरशी संबंधित विविध प्रकारची अवजारं
पावर ट्रीलर
विविध प्रकारचे हार्वेस्टर
४१६ अवजार बँका
या सर्व साधनांच्या अनुदानासाठी परिशिष्ट स्वरूपातील शासन निर्णय (GR) जारी करण्यात आला आहे.
महिला शेतकऱ्यांसाठी विशेष तरतूद
नमो ड्रोन योजना आणि SSCG अंतर्गत ‘मल्टी टूल करिअर फॉर वूमन’ योजनेला देखील गती देण्यात येणार आहे. यासाठी ६४५ लक्षांक निश्चित करण्यात आला असून, १८ कोटी रुपयांचा स्वतंत्र निधी मंजूर झाला आहे.
अर्ज प्रक्रिया कशी असणार?
या योजनेअंतर्गत सर्व अर्ज ‘महाडीबीटी’ पोर्टलद्वारे स्वीकारले जाणार आहेत. लवकरच अर्ज प्रक्रिया सुरू होणार असून, पात्र शेतकऱ्यांना त्याद्वारे अनुदान दिलं जाईल.
या उप-अभियानामुळे राज्यातील शेतकऱ्यांना कृषी कामांसाठी आवश्यक असलेली अत्याधुनिक साधनं सुलभ दरात मिळणार असून, शेती प्रक्रियेत वेग व गुणवत्ता वाढण्यास मोठी मदत होणार आहे.
Mumbai,Maharashtra
May 08, 2025 12:24 PM IST
शेतकऱ्यांना कृषी अवजारे खरेदीसाठी मिळणार अनुदान! अर्जप्रक्रिया,पात्रता वाचा सविस्तर
