Farmer ID : शेतकरी ओळखपत्र ऑनलाईन पद्धतीने डाऊनलोड कसे करायचे? जाणून घ्या सविस्तर

फार्मर आयडी कार्ड म्हणजे काय?

राज्य शासनाने शेतकऱ्यांची माहिती एकत्र करून त्यांना विविध कृषी योजनांचा थेट लाभ देण्यासाठी ‘फार्मर आयडी कार्ड’ सुरू केले आहे. या कार्डामध्ये शेतकऱ्याचे संपूर्ण तपशील — जसे की जमीनधारणा, पीकपद्धती, उत्पादन, बाजारभाव, मालकी हक्क, अशा अनेक बाबी समाविष्ट असतील. हे कार्ड भविष्यात केंद्र आणि राज्य सरकारच्या कृषी योजना, अनुदान, प्रशिक्षण, सवलती इत्यादीसाठी ओळखपत्र म्हणून उपयोगी पडणार आहे.

फार्मर आयडी स्टेटस कसे  तपासावे?

फार्मर आयडी मिळाला आहे की नाही, हे तपासण्यासाठी शेतकऱ्यांनी खालीलप्रमाणे प्रक्रिया करावी: सर्वप्रथम https://apfr.agristack.gov.in/farmer-registry-ap/#/checkEnrolmentStatus या अधिकृत संकेतस्थळावर भेट द्या. त्यानंतर आपला आधार क्रमांक अचूकपणे भरावा.जर आपण आधीच नोंदणी केलेली असेल, तर तुमची युनिक फार्मर आयडी आणि नोंदणीची माहिती स्क्रीनवर दिसेल. सध्या या पोर्टलवरून माहितीमध्ये दुरुस्ती करण्याची सुविधा उपलब्ध नाही, त्यामुळे जी माहिती आधी दिली आहे, तीच माहिती तुम्हाला दिसेल.

फार्मर आयडी कार्ड PDF कसे डाउनलोड करायचे?

एकदा युनिक आयडी मिळाल्यावर, कार्ड डाउनलोड करण्याची प्रक्रिया अतिशय सोपी आहे, स्क्रीनवर ‘View Details’ या पर्यायावर क्लिक करा.त्यानंतर तुमची संपूर्ण नोंदणी माहिती उघडेल.त्या पानाच्या वरील बाजूस ‘Download PDF’ किंवा ‘Generate PDF’ असा पर्याय दिसेल. या बटणावर क्लिक केल्यावर तुमचे फार्मर आयडी कार्ड PDF स्वरूपात तुमच्या मोबाईल किंवा संगणकावर डाउनलोड होईल.नंतर गरज असल्यास त्याची प्रिंट काढून जतन ठेवू शकता.

हे कार्ड शेतकऱ्यांना भविष्यात सरकारी योजनांचा लाभ मिळवण्यासाठी अत्यंत उपयुक्त ठरणार आहे. त्यामुळे हे कार्ड वेळेत डाउनलोड करून सुरक्षित ठेवा. कोणतीही शंका असल्यास स्थानिक कृषी कार्यालयाशी संपर्क साधावा.